Жүдо бөхийн 154 мянган ам.долларын “байтай” “Их дуулга” эхэллээ

Японы нийслэл Токио хотод 154 мянган ам.долларын шагналын сантай “Их дуулга” тэмцээн өнөөдөр эхэллээ. Тэмцээнд 44 орны 400 гаруй жүдоч хүч үзнэ. 
Түрүүлсэн жүдоч 5000 ам.доллар халааслах бол, мөнгөн медаль 3000, хүрэл медаль 1500 ам.доллар дагах юм байна. Монголын жүдо бөхийн шигшээ багийн тамирчид өчигдөр эх орноосоо мордсон.

Их дуулгад эрэгтэйчүүдийн 60кг-д Ч.Болдбаатар, 66кг-д С.Мияарагчаа, Х.Цагаанбаатар, 73кг-д С.Ням-Очир, 81кг-д О.Ууганбаатар, 90кг-д Г.Бат-Эрдэнэ, -100кг-д Б.Тэмүүлэн, +100кг-д Д.Ганхуяг нар зодоглоно.  Эмэгтэйчүүдийн 48кг-д М.Уранцэцэг, 52кг-д М.Бундмаа, 70кг-д П.Лхамдэгд нар хүч үзэх юм байна. 
Тэмцээн энэ сарын 13-нд дуусна. Ингээд тамирчдын эхний тойргийн оноолтыг сонирхуулъя.

Эрэгтэй
60кг Ч.Болдбаатар - Жан Жин Мин /БНСУ/
66кг Х.Цагаанбаатар - Кордава Шаква / Гүрж/
        С.Мияарагчаа - Камер Ниал / Нидерланд/
73кг С.Ням-Очир - Нишияама Юүки /Япон/
81кг О.Ууганбаатар - эхний тойрогт гоц мөргөсөн. Дараагийн тойрогт Накай Такакиро /Япон/
90кг Г.Бат-Эрдэнэ - Щирнхофер Макс /Австри/
-100кг Б.Тэмүүлэн - Их Британи Спалдин Мкинтон /Их Британи/
+100кг Д.Ганхуяг - Жоханссон Кристоффер /Швед/

Эмэгтэй
48кг М.Уранцэцэг- эхний тойрогт гоц мөргөсөн.
52кг М.Бундмаа - Хошимото Юүки /Япон/
70кг П.Лхамдэгд - гоц мөргөсөн.