Хөх азийн цээжин дээр ирж буцхын учир
Хүмүүний алтан заяа энэд байхын учир
Туурайн тамгатай хөрсөн дээр
Унагатай хамт тэнцэж хөлд орохын учир
Тунгалаг шандны толиог хулантай хамт булаалдаж рашаан амсахын учир
БИ Монголдоо мэндэлсээн
Газар тэнгэрийн савслагат гайхуулан байж
Ганц яваа насаараан би Монголоороо гоёноо
БИ хөхөөтэй зуны цэцгийн алаг шүүдрээр нь хөлөө гоёдог
Хүрэн толгойн сүүдрийн айзам шавхайгаар нь хоолойгоо гоёдог
Зэрэглээцсэн талын бараан нүүдлээр харцаа гоёдог
Зээгэлтсэн шар толгодын алтан хормойгоор хаяаагаа гоёдгоо
Тиймээ БИ МОНГОЛООРОО ГОЁДОГ
Айрганд нь ардын дуу иссэн хөхүүрээр нь ханаа гоёдог
Аяганд нь үдийн нар далбилзсан өвгөдөөрөө хоймроо гоёдог
Хаврын тэргүүн сарын шинийн нэгэнд ашдын билгээр гоёдог
Намрын дунд сарын арван долоонд амрагийн харцаар гоёдог
БИ МОНГОЛООРОО ГОЁДОГ
Ширгэшгүй Хэрлэнгийнхээ усыг нар зөв бүсэлж гоёдог
Шилгэршгүй нутгийн уулыг нас сүү түшиж гоёдог
БИ МОНГОЛООРОО ГОЁДОГ
Морьд эргэсэн наадмын дурдан тоосоор нь дээлээ гоёдог
МОНГОЛ гэсэн зургаан үсэгтэй бурхан нэрээр нь дэлхийд гоёдгоо
БИ МОНГОЛООРОО ГОЁДОГ
Алган дотор жижиг цагаан чулуу ташчихад ангайхаа гардаг боловуу гэж томоогүй нас минь үнэмшиж
Аргал түүхдээ хүртэл саврын хумснаас өмөөрөн Алтан Ширээгийхээ чулууг шувууны амиар хайрласаан
Аргалын чинээ уул байлаа ч зулайд нь мөргөж залбирнаа эх орон минь
Алгын чинээхэн нутагтай гэвч заяа минь гэж тайтгарнаа эх орон минь
Буурийн чинээхэн улс байвал сөхөрч суугаад жаргана
Бүрэн эрхт Монгол минь байхад сүүгээ өргөөд залбирнаа
Эх нутгийнхаа хүйтэн бороонд ч дулаацсан
Дулаацсан биенээс минь хиймэр савссан
Савссан омгийн нүцгэн мананд сая тэнцсэн унага Монголоо эргэнээ
БИ ямар дэлхийн чинээ бодлоо гээд газрын дайтай наслах биш
БИ ямар дээлтэй сахиус шиг явлаа гээд галын хэртэй дүрэлзэх биш дээ
БИ ямар энэрлээ энэрлээ гэхэд энэ орчлонг уяхан болгох биш
БИ ямар эргэлээ эргэлээ гээд ээжээсээ дахиад төрөх биш дээ
БИ ямар үнэн худлын ард сүүлчийн цэгийг хатгах биш
БИ ямар үүлтэй нартай хорвоод сүүдрээ адлаж чадах биш дээ
Гэхдээ би агтны мөртэй Монголдоо амгайн чимээ шиг ойрхон явах юмсан гэж боддогийнмаа
Амьдрахын жамтай насандаа амьсгалахын зайтай үнэн явах юмсан гэж хичээдгийнмаа ЭХ ОРОН МИНЬ
БИ, БИ МОНГОЛООРОО ГОЁДОГ
No comments:
Post a Comment