Хайрын есөн төрөл

Хэн нэгэнд дурлавал юуны өмнө гедонист (таашаал ханамж авах сонирхол давамгайлсан) дурлал уу эсвэл үүрэг дүр хувиарлсан харьцаа юу гэдгийг өөрөөсөө асууж тодорхойлох хэрэгтэй. Хэрэв гедонист бол тун удалгүй дурлал чинь ууршиж үгүй болно. Харин хоёр дахь хувилбар бол харьцаагаа цаашид үргэлжлүүлэх хэрэгтэй. «Nottingham Trent Unversity» их сургуулийн Симон Уотс болон «University College London»-ны Пол Штеннер нар 34 эмэгтэй, 16 эрэгтэйг хамарсан судалгаа явуулан хайр дурлалын мөн чанарт дүн шинжилгээ хийжээ. Ингээд «Нийгмийн сэтгэл зүйл өнөөдөр» сэтгүүлд бичсэнээр хайр дурлалын есөн төрлийг нэрлэсэн байна.

Yүнд:
1. Харилцан итгэлцэж, нэг нэгнээ хүлээн зөвшөөрөх, дэмжихийг багтаасан «Насанд хүрэгчдийн (гүйцэд боловсорсон) хайр».
2. Хосууд сохор тачаалалд бүрэн автсан байдаг хайр- «Дурлалын бурханы сум».
3. Холливудын олон кинон дээр гардаг шиг хүн түр зуурын таашаал авахыг голлодог гедонист дурлал.
4. Хайрыг хоёр хүний хоорондох харьцаа гэж үзэх буюу романтик байр суурьнаас хайр дурлалд хандах.
5. Харьцаагаа үргэлжлүүлсэн хэвээр байхын тулд хүмүүс байнга өөрийгөө хөгжүүлж, тэвчээр гаргаж, харилцан буулт хийх ёстой гэж үздэг бодит байдлын /өндөр шаардлагын/ хайр.
6. Сэтгэл хөдөлгөсөн адал явдал хэлбэртэй дурлал.

7. «Дурлалын бурханы сум»-аас нийгмийн ёс суртахууны шахалтаар үүрэг дүр хувиарлсан харьцаа хүртэл хөгжсөн дурлал. Дэвид Линчийн «Түр зуурын учрал» киноны хосуудынх шиг.
8. «Дурлалын бурханы сум»-аас дотны нөхөрлөл хүртэл хөгжсөн дурлал.
9. Хоёр хүн нэгдмэл цул болдог /нэг нөгөөхийнхөө хэлэх гэсэн үгийг дуусгаж хэлэх г.м./ хоёр бүрэлдэхүүнт хамтрагчдын дурлал.